1.Хуучин Зоос банк хадгаламж дахь мөнгөө Төрийн банкнаас авч болох эсэх?
- Болно. Аль салбарт очиж мөнгөө авах талаар Лавлах төвийн 1800-1881 утсанд хандаарай.
2.Хадгаламжийн хүү болон хугацаа дуусах хугацаанаас 1 сарын өмнө орлого хийж болно, болохгүй гэсэн заалт байдаг уу ?
- Байхгүй. Та ямар ч хугацаанд дансандаа орлого хийх боломжтой.
3.Архангай аймгийн Төрийн банкны салбарт хадгаламжийн данстай. Улаанбаатар хотын салбар, нэгжүүд дээр очин дансаа хаалгаж болох уу?
- Болохгүй. Та Архангай аймгийн салбарт очиж дансаа хаалгана.
4.Хадгаламжийн дэвтрээ хаясан бол яах вэ?
- Хадгаламжийн дэвтрээ гээсэн тухай хэвлэл, мэдээллийн хэрэгслээр зарлуулсан бичиг, иргэний үнэмлэхээ авч ирж дахин шинээр хадгаламжийн дэвтэр авна. Хадгаламжийн дэвтэр дахин авч байгаа тохиолдолд дэвтрийн үнэ 1000 төгрөгийг төлнө.
5.Хадгаламжийн хугацаагаа утсаар сунгуулах боломжтой юу?
- Боломжгүй. Та өөрийн биеэр хадгаламж нээлгэсэн салбар дээрээ ирж сунгуулна.
6.Жолооны үнэмлэхээр хадгаламжаасаа мөнгө авч болох уу?
- Болохгүй. Зөвхөн иргэний үнэмлэхээр авах боломжтой
7. Өөр хүнд хадгаламжийн дэвтэр, иргэний үнэмлэхээ өгөөд хадгаламжийн данснаасаа зарлага гаргуулж болох уу?
- Болохгүй. Данс эзэмшигч өөрөө байх шаардлагатай. Хэрэв данс эзэмшигч нь гадаадад байгаа тохиолдолд тухайн улсад сугаа Монгол улсын элчин сайдын яаманд очин итгэмжлэх хийлгэж зарлага гаргах эрх бүхий этгээдэд өгнө.
8.Хугацаатай хадгаламжийн хугацаа тухайн хугацаагаараа автоматаар сунгагдах уу?
- Энэ талаар хадгаламжийн гэрээн дээр тусгайлан заагаагүй бол хадгаламжийн хугацаа нь дуусаад автоматаар хугацаагүй хадгаламж руу шилжинэ. Та өөрийн биеэр ирж хадгаламжийн хугацаагаа сунгуулна.
9.Хадгаламжнаас зарлага гаргахад заавал хадгаламжийн дэвтэр хэрэгтэй юу?
- Тийм. Заавал хадгаламжийн дэвтэр хэрэгтэй.
10.Төгрөгийн хадгаламжиндаа доллараар орлого хийхэд хөрвөж орох уу?
- Тийм. Тухайн өдрийн тухайн валютын ханшаар хөрвөж орно.
11.Хугацаатай хадгаламжийн хугацаа нь дуусаад хугацаагүй болсон. Гэтэл эзэмшигчид нь бүгд гадаадад байна. Сунгуулах хэрэгтэй байна. Яах вэ?
- Хадгаламж нь хамтран эзэмшигчтэй бол хамтран эзэмшигч нь сунгуулах эрхтэй
12.Миний хадгаламжинд өөр хүн орлого хийж болох уу? Хадгаламжийн дэвтэр дээрээ орлого орсон бичилтийг нь яаж хийлгэх вэ?
- Болно. Та Төрийн банкны дурын салбар дээр ирж хадгаламжиндаа орсон орлогын бичилтийг хийлгэх боломжтой.
13.Хугацаатай хадгаламжаас зарлага гаргахад алданги тооцох уу?
- Нийт хадгалуулсан хугацааны хүүг төгрөгийн дансны хувьд 0,3 хувийн хүүгээр бодогдоно.
14.Хадгаламжийн хугацааг өөрчлөхөөр бол утсаар хэлээд өөрчилж болох уу?
- Болохгүй. Заавал тухайн данс нээлгэсэн салбар дээрээ очно.
15.Хадгаламж эзэмшигчийн үндсэн эзэмшигчийг өөрчилж болох эсэх?
- Болохгүй. Хадгаламжийг хааж тухайн харилцагчид шинэ данс нээж мөнгийг шилжүүлэх боломжтой.
УТАС
