АТМ-Н ҮЙЛЧИЛГЭЭ

Төрийн банкны АТМ-г ашиглан цаг зав, зардлыг тань хэмнэх олон төрлийн үйлчилгээг нэг дор авах боломжтой. Үүнд:

Бэлэн мөнгө авах 

Төрийн банкны болон дотоодын банкуудын бүх төрлийн карт, гадаадын банкны олон улсын Юнионпэй картнаас бэлэн мөнгө авах.

Шилжүүлэг хийх

Төрийн банкны картнаас Төрийн банкны карт, дансны дугаарт шилжүүлэг хийх
Картын үлдэгдэл лавлах, сүүлийн 3 гүйлгээний хуулга авах
Төрийн банкны болон дотоодын банкуудын бүх төрлийн карт, гадаадын банкны олон улсын Юнионпэй картын үлдэгдэл шалгах боломжтой.

Гар утасны нэгж худалдан авах, төлбөр төлөх

Мобиком, Юнител, Жи-Мобайл, Скайтал зэрэг үүрэн телефоны оператор компаниудын гар утасны нэгж худалдан авах, төлбөр төлөх Монголын цахилгаан холбоо ХК-ийн суурин утасны төлбөр төлөх боломжтой.

Хэрэглээний төлбөр лавлах, төлөх

Төрийн банкны АТМ-ыг ашиглан сар бүрийн хэрэглээний төлбөр болох Цахилгаан, Контор, СӨХ, Суурин утас, Интернэтийн төлбөрүүдээ лавлах, хэсэгчлэн болон нийт дүнгээр төлөх боломжтой.
Ингэхдээ АТМ-н “Хэрэглээний төлбөр төлөх” цэсээр хандан 16 оронтой хэрэглэгчийн кодоо оруулан төлбөрөө лавлах ба “төлбөр төлөх” товчийг дарж төлбөрөө гүйцэтгэн баримтаа авна. 

Цахим төгрөг илгээх, хүлээн авах 

• Картгүйгээр АТМ-с бэлэн мөнгө авч болох тухай та өмнө нь сонсож байсан уу? 
• Картаа мартсан үед тань бэлэн мөнгөний хэрэгцээ гарсан эсвэл бусдад мөнгө илгээх шаарлагатай болсон бол АТМ-с картгүйгээр бэлэн мөнгө авах “Цахим төгрөг ” үйлчилгээ танд тусална.
• Та Төрийн банкны Гялсбанк үйлчилгээний бүх суваг /Вэб, Смарт Апп, Сим, Мессеж/, Төрийн банкны карт, АТМ-ыг ашиглан өөрийн эсвэл бусдын гар утасны дугаарт гуйвуулга илгээж мөнгө хүлээн авагч нь өөрийн гар утсанд ирсэн гуйвуулгын кодыг ашиглан Төрийн банкны АТМ-с картгүйгээр бэлэн мөнгө авах боломжтой.
• Гар утсанд ирсэн “Цахим төгрөг” үйлчилгээний гуйвуулгын кодыг ашиглан АТМ-с бэлэн мөнгө авахдаа АТМ-н “Цахим төгрөг” цэсээр хандан гар утасны дугаар болон гуйвуулгын код ,мөнгөн дүнг оруулан бэлэн мөнгө авна.
• Картын пин код солих, интернэтээр худалдаа хийх и-пин код шинээр авах, солих
• Картын пин кодоо солих болон картаар интернэт худалдаа хийхэд ашиглагдах интернэт пин кодыг шинээр авах, солих боломжтой.

АТМ-г ашиглахад дараах зүйлсийг анхаарна уу. Үүнд:

• Картын пин кодоо 3 удаа буруу оруулах, хугацаа дууссан эсвэл идэвхгүй картаар гүйлгээ хийх боломжгүй бөгөөд оролдлого хийсэн тохиолдолд аюулгүй байдлын үүднээс АТМ картыг хураана.
• Гүйлгээ хийх явцад карт эзэмшигчийн зүгээс үйлдэл хийлгүй 10 секунд өнгөрөхөд АТМ картыг хураана.АТМ-с нэг удаа авах боломжит бэлэн мөнгөний доод хэмжээ 1000₮, дээд хэмжээ нь 800,000₮ байна. 
• АТМ-с авах мөнгөн дүнг оруулахдаа 1000-д хуваагдах бүхэл дүн оруулах шаардлагатай.
• Гүйлгээ хийсний дараа карт болон мөнгөө авахаа мартуузай.
• Картаа хураалгасан бол Төрийн банкны 1800-1881 дугаарт холбогдон картаа хэзээ, хаанаас авч болох талаар зөвлөгөө авна уу.