Монгол Улсад банкны тогтолцоо үүсч бэхэжсэний түүхт 90 жилийн ойг тохиолдуулан банкны салбарын байгууллагууд нэгдэн, байгаль хамгаалах, нөхөн сэргээх, мод тарих үйлсэд олон нийтийг уриалах, нийслэлийн ногоон байгууламжийг нэмэгдүүлэх ажилд хувь нэмрээ оруулах зорилгоор 2014 оны 5 дугаар сард Үндэсний цэцэрлэгт хүрээлэнд “Банкны төгөл” нэгдсэн аяны суурийг тавьж байсан юм.

Энэхүү ажлын үргэлжлэл болгон Монгол Улсын Тогтвортой Санхүүжилт (ТоС)-ийн зарчмуудын нэг болох “Үлгэрлэн манлайлах” зарчим болон “Соёлын өвөө хамгаалах” зарчмын хүрээнд “Банкны төгөл 2015” нэгдсэн аянд Төрийн банк нэгдлээ.