ТӨРИЙН БАНКНЫ ТӨЛӨӨЛӨН УДИРДАХ ЗӨВЛӨЛИЙН ХАРААТ БУС ГИШҮҮНИЙГ СОНГОН ШАЛГАРУУЛАХ ЗАР

2015-04-02

Банкны тухай хуулийн 33 дугаар зүйл, Монголбанкны Ерөнхийлөгч, Сангийн сайд, Санхүүгийн Зохицуулах Хорооны даргын 2012 оны 7 дугаар сарын 20-ны өдрийн 434/113/167 дугаар хамтарсан тушаалаар баталсан “Банкны Төлөөлөн удирдах зөвлөлийн хараат бус гишүүнийг нэр дэвшүүлэх, томилох, чөлөөлөх журам”-ыг үндэслэн “Төрийн банк”-ны Төлөөлөн удирдах зөвлөлийн хараат бус НЭГ гишүүний сонгон шалгаруулалтыг зарлаж байна.

ТАВИГДАХ ШААРДЛАГА:

1. Банк, санхүү, эдийн засгийн дээд боловсролтой, мэргэжлээрээ 8-аас доошгүй жил ажилласан, үүнээс дөрвөөс доошгүй жил нь банк, санхүүгийн байгууллагад эрх бүхий албан тушаал хашсан байх;
2. Төрийн улс төрийн болон төрийн жинхэнэ албан тушаал хашдагггүй байх;
3. Сүүлийн таван жилийн дотор Төрийн банк (Зоос банк) банкинд ажиллаж байгаагүй;
4. Эрх бүхий албан тушаалтнаар нь ажиллаж байсан хуулийн этгээд дампуурсан, төлбөрийн чадваргүй болсон нь тухайн этгээдээс аливаа хэлбэрээр шалтгаалаагүйг нь нотолсон байх;
5. Банкны эрх бүхий албан тушаалтан, түүний холбогдох этгээд бус байх;
6. Банкны нөлөө бүхий хувьцаа эзэмшигч бус байх, эсхүл уг этгээдтэй холбогдох этгээдийн хамааралгүй байх;
7. Банкны үйл ажиллагааны үр дүнгээс хамаарч урамшуулал авдаггүй байх;
8. Төрийн банкинд (Зоос банк) төлөөлөн удирдах зөвлөлийн гишүүнээр наймаас дээш жилээр ажилаагүй байх;
9. Банкны тухай хуульд заасан банкны хувьцаа эзэмшигч, томоохон харилцагч, эсхүл эрх бүхий албан тушаалтан бус байх;
10. Зээл, батлан даалт, баталгааны гэрээгээр хүлээсэн хугацаа хэтэрсэн аливаа өргүй байх;
11. Төрийн эсрэг болон эдийн засгийн гэмт хэрэгт ял шийтгүүлж байгаагүй байх;
12. Ёс зүйн болон бизнесийн нэр хүнд нь банкийг удирдахад харшлахгүй байх;
13. Санхүүгийн зах зээлд мэргэжлийн үйл ажиллагаа эрхэлдэг байгууллагад эрх бүхий албан тушаалтнаар ажиллаж байх үедээ захиргааны хариуцлага хүлээсэн бол үүнээс хойш 3 жил өнгөрсөн байх;
14. Санхүүгийн зах зээлд мэргэжлийн үйл ажиллагаа эрхэлдэг бусад байгууллагын эрх бүхий албан тушаалтан бус байх;
15. Зөрчлийн улмаас банк ба банк бус санхүүгийн байгууллагын тусгай зөвшөөрөл хүчингүй болох үед эрх бүхий албан тушаалтнаар ажиллаж байсан бол тусгай зөвшөөрлийг хүчингүй болгосноос хойш 3 жил өнгөрсөн байх;
16. Банкны аудитын болон эрсдэлийн удирдлагын газар ажиллаж байсан болон ажилладаг, Компанийн зохистой засаглалын чиглэлээр сургалтанд хамрагдсан бол давуу тал болно;

БҮРДҮҮЛЭХ МАТЕРИАЛ:

• Сонгон шалгаруулалтад оролцох хүсэлт
• Дээд боловсролын үнэмлэхний хуулбар (нотариатаар гэрчлүүлсэн)
• Иргэний үнэмлэхний хуулбар (нотариатаар гэрчлүүлсэн)
• Нийгмийн даатгалын дэвтрийн хуулбар
• Ялтай эсэх тухай цагдаагийн байгууллагын тодорхойлолт авах тухай Монголбанк, Сангийн яаманд хүсэлт
• Ажлын газрын тодорхойлолт, өмнө нь ажиллаж байсан байгууллагын тодорхойлолт

• Монголбанкнаас “Зээл, батлан даалт, баталгааны гэрээгээр хүлээсэн хугацаа хэтэрсэн аливаа өргүй” тухай тодорхойлолт
• Монголбанкнаас ёс зүйн болон бизнесийн нэр хүнд нь банкийг удирдахад харшлахгүй тухай тодорхойлолт
• Монголбанк болон Санхүүгийн Зохицуулах хорооноос “зөрчлийн улмаас банк ба банк бус санхүүгийн байгууллагын тусгай зөвшөөрөл хүчингүй болох үед эрх бүхий албан тушаалтнаар ажиллаж байсан эсэх тухай” тодорхойлолт
• Төрийн банкны Төлөөлөн удирдах зөвлөлийн гишүүнээр наймаас дээш жилээр ажиллаагүй, сүүлийн таван жилийн дотор тус банкинд ажиллаж байгаагүй  тухай Төрийн банкны тодорхойлолт
• Банкны хувьцаа эзэмшигч, томоохон харилцагч, эсхүл түүний эрх бүхий албан тушаалтан эсэх тухай харилцагч банкны тодорхойлолт
• Эрх бүхий албан тушаалтнаар нь ажиллаж байсан хуулийн этгээд дампуурсан, төлбөрийн чадваргүй болсон нь тухайн этгээдээс аливаа хэлбэрээр шалтгаалсан эсэх тухай шүүхийн лавлагаа, Санхүүгийн Зохицуулах Хорооны тодорхойлолт
• Банкны нөлөө бүхий хувьцаа эзэмшигч, эсхүл уг этгээдтэй холбогдох этгээдийн хамааралтай эсэх тухай харилцагч банкны тодорхойлолт
• Банкны хараат бус гишүүнд тавигдах шаардлагыг хангаж байгаа эсэх талаар холбогдох бусад баримт бичиг

СОНГОН ШАЛГАРУУЛАЛТЫН МАТЕРИАЛЫГ ХҮЛЭЭН АВАХ ХАЯГ:

Монгол улс, Улаанбаатар хот, Чингэлтэй дүүрэг, С.Данзангийн гудамж, Засгийн газрын 2 дугаар байр, Сангийн яамны 305 тоот өрөө Санхүүгийн зах зээл, даатгалын хэлтсийн мэргэжилтэн Н.Билгүүнд хүлээлгэж өгөх Утас: 264158, 98206183

МАТЕРИАЛ ХҮЛЭЭН АВАХ ХУГАЦАА:

Сонгон шалгаруулалтад орох иргэний баримт материалыг 2015 оны 4 дүгээр сарын 30 -ны өдрийн 17⁰⁰ цаг хүртэл хүлээн авна.
Сонгон шалгаруулалттай холбоотой дэлгэрэнгүй мэдээллийг www.mongolbank.mn, www.statebank.mn, www.mof.gov.mn сайтнаас үзнэ үү.